"Navoiy kon-metallurgiya kombinati" AJ VIRTUAL QABULXONASI
2024 - yildagi murojaatlar statistikasi
8090
100%
8085
100%
5
0%
Murojaat yuboring
Murojaat maqomini tekshirib ko'ring
Murojaat qilish tartibi
“Navoiy kon-metallurgiya kombinati” aksiyadorlik jamiyati rasmiy veb-sayti orqali jismoniy va yuridik shaxlarning murojaatlarini qabul qilish tartibi to‘g‘risidagi Nizom:
Jismoniy va yuridik shaxslarning murojaatlarini “Navoiy kon-metallurgiya kombinati” aksiyadorlik jamiyati (“NКMК” AJ) rasmiy veb-sayti orqali qabul qilish, fuqarolarning murojaat qilishi uchun qo‘shimcha imkoniyat hisoblanadi. Ushbu Nizom O‘zbekiston Respublikasi Vazirlar Mahkamasining 2007-yil 23-avgustdagi №181 qarori bilan tasdiqlangan “Axborot-kommunikatsiya texnologiyalaridan foydalangan holda interaktiv davlat xizmatlari to‘g‘risidagi Nizom”ga muvofiq, axborot-kommunikatsiya texnologiyalaridan foydalangan holda jismoniy va yuridik shaxslarning murojaatlariga xizmat ko‘rsatishning shartlari va tartibini belgilaydi.
Rasmiy veb-sayt orqali qabul qilingan murojaatlar onlayn tartibda “NКMК” AJ Jismoniy va yuridik shaxlarning murojaatlariga oid ishlarni nazorat qilish va muvofiqlashtirish bo‘limiga (keyinchalik – bo‘lim) yetkaziladi. “NКMК” AJ rasmiy veb-saytida murojaatlar shaklida ko‘rsatilgan barcha maydonlar to‘ldirish uchun majburiydir. Murojaatlarda fuqaroning familiyasi (ismi, otasining ismi), yashash manzili to‘g‘risidagi ma’lumotlar ko‘rsatilmasa yoki ular noto‘g‘ri ko‘rsatilsa, bu murojaatlar noma’lum hisoblanadi va ko‘rib chiqilmaydi. Murojaatning to‘g‘riligini isbotlash uchun bo‘lim xodimlari murojaat kelib tushgan paytdan boshlab 3 kun davomida murojaatda ko‘rsatilgan telefon raqami orqali yoki elektron manzil bo‘yicha arizachi bilan bog‘lanadilar. Murojaatning haqiqiyligi aniqlangandan so‘ng, belgilangan tartibda ishga qabul qilinadi.
O‘zbekiston Respublikasining 2017-yil 11-sentabrda qabul qilingan «Jismoniy va yuridik shaxslarning murojaatlari to‘g‘risida”gi №378 Qonuni 28-moddasiga muvofiq, ariza yoki shikoyat masalani mazmunan hal etishi shart bo‘lgan davlat organiga, tashkilotga yoki ularning mansabdor shaxsiga kelib tushgan kundan e’tiboran o‘n besh kun ichida, qo‘shimcha o‘rganish va (yoki) tekshirish, qo‘shimcha hujjatlarni so‘rab olish talab etilganda esa, bir oygacha bo‘lgan muddatda ko‘rib chiqiladi. Ariza yoki shikoyatni ko‘rib chiqish uchun tekshirish o‘tkazish, qo‘shimcha materiallar talab qilib olish yoxud boshqa chora-tadbirlar ko‘rish zarur bo‘lgan hollarda, ularni ko‘rib chiqish muddatlari “NКMК” AJ rahbariyati tomonidan istisno tariqasida uzog‘i bilan bir oyga uzaytirilishi mumkin va bu haqda murojaat etuvchiga xabar qilinadi.
Maxfiy murojaatlar “NКMК” AJ rasmiy veb-sayti orqali ko‘rib chiqish uchun qabul qilinmaydi. Maxfiy murojaatlar yozma ravishda quyidagi manzil bo‘yicha qabul qilinadi: O‘zbekiston Respublikasi, Navoiy shahri, Navoiy ko‘chasi, 27-uy.
Fuqarolar murojaatlarini rasmiy veb-sayt orqali qabul qilish “NКMК” AJga og‘zaki, yozma yoki to‘g‘ridan-to‘g‘ri murojaat qilish kabi bir xil kuchga ega.
Qoniqarsiz javob olingan taqdirda, “NКMК” AJ Jismoniy va yuridik shaxlarning murojaatlariga oid ishlarni nazorat qilish va muvofiqlashtirish bo‘limiga yozma yoki og‘zaki ko‘rinishda qo‘yidagi manzilga murojaat qilish zarur: 210100, O‘zbekiston Respublikasi, Navoiy shahri, Navoiy ko‘chasi, 27-uy. Tel: +(99879) 227-71-45, 227-75-58.
